الإعلامى “احمد رمضان” للانوار اليــــــوم: أعود قريباً للشاشة بأقــــــــوى المـلفـات وأهــم القضـــايـــا

اجرى الحوار :  محمد على

للمره الثانيه كان لينا شرف مقابلة نجم تلفزيونى واعد جدا بيغيب كتير عن الساحه الاعلاميه لكن لما بيرجع بيرجع يعمل ضجه ,بيتكلم دايما فى موضوعات الساعه وكل ما يشغل بال رجل الشارع ..

بنرحب مره تانيه بالاعلامى احمد رمضان محمد مقدم برنامج عين على  الاحداث على قناه الحدث اليوم اهلا بيك

اهلا وسهلا بيكم

حضرتك بتغيب كتير جدا ولفترات طويله نقدر نعرف ليه  و هل فى سر فى الموضوع

والله هوا السبب مش سر ولاحاجه بس دى مدرسه او مبداء انا ماشى عليه بحب “اشوق” المشاهد مبحبش ابقى موجود على طول ببرنامج يومى مثلاً او ماشابه

يعنى نفهم من كده حضرتك الغياب لقناعات شخصيه مش اسباب مهنيه من الاساس

لا تقدر تقول الاتنين مع بعض لكن قناعات اكتر لانى زى ما وضحتلك بحب اشوق الجمهور

طيب خلينا نروح لمحور تانى فى الحديث احداث الساعه ,حضرتك يمكن فى اول حلقه عملتها فى قناه جديده بعد ما وقعت تعاقد معها وهى قناه الحدث اليوم اتكلمت عن قضية مقتل الطفلين بتوع الدقهليه او قريه ميت سلسيل ليه حضرتك اخترت الموضوع ده تحديداً

والله مكدبش عليك كان فى بالى وفعلا الاعداد عرض عليا اكتر من موضوع لكن انا شوفت ان ناس كتير طلعت اتكلمت فى الوقت ده عن هذا الموضوع كل واحد اتكلم بما لديه من حقائق وادلة وانا قولت من واجبى كاعلامى ان اطلع اتكلم عن الموضوع ده واقول رائي فيه ولو شفت الحلقه هتلاقينى مغلطتش فى الراجل بكلمة واحة لكن برضه تناولت الموضوع بشكل محايد واتكلمت فيه بشكل عام فانا جايب خبير علوم جنائيه بيشرح مسرح الجريمه وجايب فيديو الواقعه وجايب اعتراف الوالد ,تدينه المحكمه ولا تطلعه براءة لا  يعنينى المهم انه عرفت اتناول الموضوع من غير ما اشوه صوره حد

طيب ايه مقترح تناقشه فى الحلقات الجايه هل ستستمر على نفس المنهج ولا هنشوف الاعلامى احمد رمضان فى ثوب جديد بيستضيف فنانين ومشاهير علشان نسب المشاهده

لا دى خليها مفاجاه بقى برضه هنستمر فى نفس الخط لكن العودة ستكون اقوى باذن الله بس دعنا  لا نستبق الاحداث

الاعلامى احمد رمضان شايف من وجهه نظره ما هى اخطر القضايا اللى ممكن تتناقش فى برامج التوك شو عموماً

والله كتيييييييييير جدا يعنى المخدرات وخطورتها على صحه الانسان , الجنس وجرائم الجنس وخصوصاًً “المحارم” اللى بقى ظاهرة  غريبة جداًً على مجتمعنا العربى عموماًً والمصرى خصوصاً لكن لو جيت للحق انا لو هختار هقولك المخدرات لانها دمار وسرطان تفشى فى المجتمع فى الفتره الاخيره بين كل 20 شاب هتلاقى واحد او اتنين مدمنين ومخدرات ايه بقى فودو واستروكس وتامول وغيرها كتير من اقوى الانواع ضررً

شايف دور الدوله عامل ازاى فى مواجهه الحاجات دى

الدوله مشكورة قايمة بدور صعب جداً سواء فى الجانب التثقيفى والتوعوى بخطوره الحاجات دى او حتى فى ملاحقة المتعاطين والقبض عليهم ,فمش هنرمى اللوم بالكامل على الدوله لانها برضه متعبترش مقصره “قوى”

كنا اتكلمنا مع حضرتك قبل كده عن دور الاعلام فى اول مره لكن شايف ده تاثيره  ازاى على النشء

والله مكدبش عليك احنا كاعلاميين فى ممارستنا حتى للمهنه فيه امور كتير غلط بتحصل مننا زى اننا مبنستهدفش سكان المحافظات زى سكان القاهره والجيزه وكمان الشباب لازم يبقى ليه رساله خاصه وخصوصاً شباب الجامعات

فى نهايه حوارنا الممتع كالعاده مع واحد من ابرز الاعلاميين الشباب الموجودين حاليا على الساحه بنشكره ونقولك تمنياتنا لك بمزيد من التوفيق ان شا ءلله

انا اللى بشكرك وبشكر منبر “وكالة الانوار اليوم” وسعدت جداً بالمقابله دى