ميرنا تامر استطاعت أن تتفوق على نفسها في تقديم عروض الأزياء المحلية بجمالها وحضورها المُميز، وأصبحت من مشاهير هذا المجال في مصر ولها العديد من المتابعين والمعجبين على حسابها عبر تطبيق إنستجرام الذى تعرض من خلاله احدث إطلالاتها و اناقتها والتقت وكالة الانوار اليوم مع مارينا تامر وكان معها هذا الحوار الشيق
ايه رأيك تعرفينا اكتر بنفسك تعرفنا اكتر
اسمى ميرنا تامر إتولدت بمحافظة الجيزة وعشت فيها واول ما أنهيت المرحلة الاعدادية سافرت خارج مصر وكملت دراسة هناك ورجعت تانى بلدي علشان اكمل دراسه وانا بره مصر دخلت مجال السوشيال ميديا وكان فى تفاعل على صفحتي من المتابعين مع أنى كنت بطلع لايف من غير وشي وكان بيبقى فى تفاعل وكنت بتابع عدد كبير من البلوجر والانفلونسر وبشوفهم بيعملوا ايه واكتسبت الخبرات المناسبة و اول مانزلت مصر بدات اخد الخطوة بس فى الماركتنج الاول لقت نفسى ناجحة وبعد كده بدات اغير من شكل لبسى و رشاقتى واشتغل على نفسى كويس و حبيت المجال والحمدلله بقالى فيه 3 سنين
إمتى بدأتى مشوارك كموديل ؟
من فترة قصيرة جدا و وجدت دعم كبير جدا من اهلى اولا وأصحابى و من ناس كتير وخلال الفترة دى كسبت ناس كتير جداً استفدت منها ومن خبراتها
حبيتى المجال ده ازاى؟
حبيت المجال ده من قلبى جدا وخصوصاً ان انا بحب الكاميرا جدا ولما تابعت البلوجر والانفلونسر اللى بتفرج عليهم حسيت انهم مميزين وانا من صغرى كنت بحلم انى فى يوم من الايام اعمل حاجة مميزة و الناس تفتكرنى بيها بمعنى انى اسيب أثر فى كل انسان او انسانه ويارب ده يتحقق قريب ان شاء الله
طريقة إختيارك لتصميمات ملابسك؟
انا مش بعمل حاجة غير انى اقف قدام الدولاب واختار اللى بيليق عليا مش شرط يكون غالي أو معروف قد ما يكون لايق عليا وشيك
ايه هى المشاكل والمضايقات اللى ممكن تقابلك فى مجالك؟
الحمدلله مفيش اى حاجة بتضايقنى فى المجال لأن كل الناس اللى بتعامل معهم ناس كويسة وفاهمة جدا فى المجال وده شئ بيسعدنى ويساعدنى على تقديم الافضل دائماً
إطلالتك الاخيرة كانت مميزة جداً ممكن تكلمينا عنها ؟
طبعاً فى الاطلالة مش بعتمد على اى حاجة غير ان اطلع بحاجة كويسة تعجب الناس قبل ما تعجبنى الفستان الاخير والفستان الاخير كان من تصميم المصمم المميز “السيد عيد” و المكيب ارتست الجميلة “ندى حسن” اللى كانت معتمدة انها هتظهرنى باطلالة حلوه والمصور كان “نادر السيد” اللى بيعتمد على الحرفية العاليه والدقه فى ابسط التفاصيل المتعلقة بالديزاين علشان يكون احسن من المطلوب والتاج كان من تصميم “وائل حمدى” التاج صناعه مصرية 100% وخامته كريستال وطريقة التصنيع بالرسم واللحام وبصراحة كل واحد فيهم كان له دعم ومجهود كبير فى الاطلالة
ايه الرسالة اللى تقدميها لمتابعينك
بقول لكل متابعينى شكراً لدعمكم وتشجعكم ليا
في نهاية حوارنا احب اشكرك على وقتك اللى منحتيه لنا
العفو انا اللى باشكركم و اشكر متابعينكم على الاستضافة ويارب اكون ضيفة خفيفة
