محمد على
صرح الفنان هاني شاكر، نقيب المهن الموسيقية، إن النقابة نسقت مع جهات عديدة في الدولة حول قراراتها ضد مطربي المهرجانات، موضحا: “التنسيق مع المصنفات الفنية على أكمل وجه، التنسيق مع القاعات العرض في كل مصر على أكمل وجه، وأه في تنسيق مع جهات أخرى أعلى بالدولة”.أضاف شاكر، خلال مداخلة هاتفية مع الدكتور معتز عبد الفتاح مقدم برنامج “تحت الشمس” عبر قناة “الشمس”: “الباب مفتوح مع مطربي المهرجانات اللي هيحاولوا يصلحوا من نفسهم ويقدموا حاجة جميلة ويكونوا صالحين أساسا يكونوا مطربين.. حمو بيكا إحنا اديناله مدرس على حساب النقابة كان بيعلمه، وإحنا لا نتقاعس مع أحد، لكن في ناس ربنا لم يمنحهم الموهبة، والموهبة مش بالعافية”.تابع: “اللي يقف على المسرح لازم يكون عضو نقابي ويزاول المهنة، مش أي حد يقول أي حاجة، والنقابة هتفضل دايما تقف مع أعضائها، وبالنسبة للناس اللي مش أعضاء بنقول للي عايز يتقدم للاختبارات يتفضل، والحمد لله إن ربنا جعلني سبب لفرحة الناس وتنقية الأجواء الغنائية في مصر”.
