منوعات

#بطلت_الشيشة <3

شعر لحكيم عبد الناصر 

حاجتين كان نفسى ابطلهم
علشان استقوى على العيشة
اولهم بطلت الشيشة
فاضل انى ابطلك انتى
و ده لازم يحصل يا حبيبتى
الموضوع مش صعب نهائى
انا هنسى و انتى هتشتاقى
هتدوّرى على واحد زيى
لكن واللهِ ما هتلاقى
و هبطل احن لأيامك
و هبطل يوحشنى كلامك
و هبطل اتكلم عنك
ادام الناس او ادامك
و هبطل اخاف تانى عليكى
و هبطل توهان فــ عينيكى
و هبطل كل ما اشوف حاجة ,,
تعجبنى اتمنى تكون فيكى
و هبطل صوتى يناديلك
و هبطل بالليل ادعيلك
و هبطل كل ما اكون زعلان
اهرب م الدنيا دى و اجيلك

كل اللى انا قولته ياريت تنسيه
ده كلام ولا تشغلى بالك بيه
انا مش هقدر ابطلك انتى
دنا قلبى خفيف زى الريشة
و عشان اثبتلك يا حبيبتى
انا هرجع تانى اشرب شيشة

مقالات ذات صلة

زر الذهاب إلى الأعلى