كتب: محمد على
أعلن شريف خيري، صاحب السيارة الجيب التي تعرضت لعطل خلال إنقاذه للمواطنين العالقين في الأمطار، بسبب حالة الطقس السيئة التي ضربت البلاد أمس، أن العديد من المواطنين و الجهات والمسئولين عرضوا عليه تصليح سيارته، والتى يتكلف ثمن تصليحها أكثر من 90 ألف جنيه.
و كتب شريف على صفحته عبر موقع التواصل الاجتماعي فيس بوك
اولاً انا مش عارف اقول غير اني منبهر انبهار غير عادي وسعيد سعادة غير طبيعية من ردود الأفعال من امبارح النهاردة…
صحيح مش محتاج اتكلم وقول واوري صور رسائل الناس من كل دول العالم أو التليفونات اللي ماوقفش من امبارح لغاية دلوقتي بتشكر وبتدعي دعوات لا حصر لها الحمد لله شيء بيدعوني للفخر لان حد معرفوش يكلمني يدعيلي
اللي اتعمل ده مكنش بداعي شهرة ولا هدف غير طبيعي او سوي غير الخير والثواب لله…والدليل اللي حصل ده…كل الناس اللي عرضت فلوس أو مساهمات حابب اشكرهم…كل اللي كلمني عرض عليا عربيته تكون تحت استخدامي اشكره…
كل اللي عرض قروض أو سلف أو غيره وغيره أو غيره مش عارف اسرد واقول ايه ولا ايه…
اللي حابب اني اآكد عليه اننا شعب محترم، نضيف، كريم، وقت الجد والشدة كلنا سوا، وهانفضل كدة طول العمر باذن الله تعالى وده لكل المشككين بس عشان نبقى فاهمين…
بفضل ربنا ثم فضل كل واحد دعا إلى مساعدتي ومع اصراري على عدم قبول أي تعويض أو مساعدة حابب اقول ان السيد اللواء راضي رئيس حماية المستهلك كلمني بنفسه وأبدى اهتمام غير عادي مش شخص فريد من نوعه صراحة.
ثم جاء قرار السيد الفريق / عبدالمنعم التراس – رئيس مجلس إدارة إدارة لهيئة العربية للتصنيع وحيث أن شركة AAV إحدى شركاتهم قرر بالتكفل بتصليح عربيتي بالكاااااامل دون أي تحمل وطبعا انتوا عارفين يعني ايه أتصدق عليه
حابب اشكر الكل تاني وااكد على أن جروبنا امبارح لم يصب بأي خسائر تانية تذكر والحمد لله عشان سمعت شوية أقاويل واشاعات عن عربيات عندنا باظت وده ماحصلش ولله الحمد…شكرا يا مصريين بجد والله
راجعة تاني اقوى من الاول باذن الله تعالى
