فى حوار خاص “لـلآنوار اليوم” الاعلامى احمد رمضان: قريباً سأنافس “الإبراشى ومنى الشاذلى”

فى حوار خاص “لـلآنوار اليوم” الاعلامى احمد رمضان: قريباً سأنافس “الإبراشى ومنى الشاذلى”

كـتابة وحـوار: محمد على

 

 

 

 

 

 

 

 

من خلال بحثنا على مواقع السوشال ميديا وتحديدا الــ youtube لفت انتباهنا اسم لبرنامج مختلف شويه ( جوه الازمه)وحين إلتقينا بصاحب البرنامج الاعلامى أحمد رمضان  وجدناه شخص مثقف جداً يدرك تماماً لخطوره برامج التوك شو وكان لنا معاه حوار شيق جداً وممتع

فى البداية نرحب بصاحب ومقدم برنامج جوه الازمه الاعلامى الواعد احمد رمضان

*اهلا بيك وانا سعيد جدا بالمقابلة دى

بدايةً نحب نعرف منين جاتلك فكرة انك تعمل برنامج تليفزيونى بالرغم من تعدد برامج الـ”توك شو” ؟

*والله البداية خالص انا كان نفسى من زمان ابقى مذيع واشتغلت مراسل لفترة و اصلاً من وانا طالب فى كليه إعلام كان همى البحث فى هموم الناس ومشاكلهم وكنت بشوف إلاعلام الحقيقى يبداء من هنا وكنت واخد عهد على نفسى انى لو ربنا وفقنى وعملت برنامج وسمحت ليا الفرصة انى اطل على الناس هقدم حاجة “تغوص” فى مشاكل الناس

منين جه اسم جوه الازمه …او بمعنى اخر ليه اخترت جوه الازمه اسم لبرنامجك ؟

*والله زى ما وضحتلك قبل كدا ان معظم برامج التوك شو بتقدم نفس المحتوى تقريباً باختلاف شكل التعاطى لكن نادراً جداً اللى بيهتم بآزمات الشارع وهموم المواطن او حتى ابسط مشاكله فانا حبيت الاسم يكون دال على المحتوى زى مابيقولوا كدا الجواب يبان من عنوانه اننا بنغوص فى مشاكل المواطن

طيب ليه مفكرتش تروح ببرنامجك لشاشه او قناة اكبر تنتجهولك بحيث انك تزود الviews ؟

*مش هكدب عليك والله دا شاغل بالى من فترة بس بفكر فى قناة تكون ليها نفس التوجه بتاعى وهو انها بتعمل سبوت على معاناة المواطن دون المتاجره بالامه والتشدق بالشعارات الرنانة التى لا تفيد

سمعنا كتير عن اعلاميين شباب ياترى ايه اللى بيميز الاعلامى احمد رمضان عن غيره من الزملاء فى الوسط ؟

*والله ما بحب اشكر فى نفسى لكن زى ما قلتلك هدفى تقديم إعلام واعى تنموى وعمرى ما فكرت عشان ازود الviews انى استضيف فنانين او مشاهير او انى اشتم فى دا او اغلط فى دا لكن كل تركيزى على الموضوعات وكيفية تناولها وبحب دايماً افاجئ الجمهور او المتفرج بحاجة او معلومة جديدة مسمعهاش قبل كدا فى اى حتة تانى

شايف وانت برنامج توك شو دور برامج التوك شو عامل ازاى الفترة دى؟

دور برامج التوك شو خلا الفترة دى قوى جدا ,فالمذيعين عاملين زى النجوم…كل نجم وليه الجمهور بتاعه اللى بيتابعه ويستناه ويشوفه بيقدم ايه وهكذا المذيع كل مذيع وله جمهور بيتاعه وعايز يعرف هيتكلم ازاى فى موضوع معين شاغله وهيتناوله ازاى فلو كل مذيع اهتم انه يقدم الاعلام بصوره مهنية مراعياً قواعد العمل المهنية والشفافية او المصداقية والتزم بمدونة السلوك المهنى لكل العاملين فى وسائل الاعلام لكان عندنا جمهور له ذوق مختلف ووعى مختلف

هل تشغل بالك المنافسه مع المذيعين الجراند مثل وائل الابراشى ومنى الشاذلى وغيرهم ؟؟

هبقى “مخادع” لو قلتلك لا لان الغيرة المهنية مطلوبة ودا صحى جدا لو كل واحد اقتنع انه رقم 1 محدش هيقدر يطور من آدائه

فى نهايه الحوار شايف المرحلة اللى احنا بنمر بيها دلوقتى ازاى ؟

هى مرحلة صعبة وفى نفس الوقت صحية جداً  و لو تاملت المرحلة جيداً هنلاقى ان الدولة كانت فى السابق بتعانى من عدة مشاكل زى انقطاع الكهرباء وطوابير البنزين و انابيب الغاز و بالرغم من زيادة الاسعار  فالمشاكل دى غير موجودة حالياً والرئيس زى منتا عارف استلم البلد شبه متهالكة وصلح على قد ما قدر لكن عايز ارجع لكلام الرئيس فى نقطة هامة جداً انه لما اتسال من ساندرا نشات المخرجه ان اللى معاه 6 او 7 أطفال هياكلهم ازاى رد رد ذكى جداً وهو انه اكيد لما هو جابهم كان عارف هياكلهم منين وازاى ولا مستنى حد ياكلهملوا ومن هنا أطالب بتثقيف المواطن بضرورة تحديد النسل بحيث ان بالكتير يبقى 3 اطفال لكن الاعداد اللى بنشوفها دى كتير جداً على الدولة رعايتها والاهتمام بيها

فى النهايه نشكر الاعلامى الواعد احمد رمضان على ضيافته لنا والحديث الشيق معه

*انا إستمتعت جداً بالحديث معكم و بشكرك وبشكر “وكالة الانوار اليوم” وأتمنى لكم مزيداً من الازدهار والتوفيق

مقالات ذات صله